الانوثه---- ومعانيها ---رساله الى فتاه مسلمه @ معانى الانوثه رؤيه وشعر كابتن احمد

الانوثه---- ومعانيها ---رساله الى فتاه مسلمه @ معانى الانوثه رؤيه وشعر كابتن احمد

الانوثه مش بانك تهوسى عقل الشباب

الانوثه هو انك تحمى نفسك م العذاب

الانوثه شئ وكامن جوه منك وانتى باب

استرى عقلك بقلبك والبسى فرضك حجاب

اوعى تتميعى بكلامك او تقولى دول صحاب

تبقى تستهلى اللى يحصل والسؤال ملهوش جواب

***************************************

الانوثة مش مجرد حبة احمر ع الشفايف

الانوثة مش فى انك تهوسى عقل اللى شايف

خافى م المولى اللى حبك حتا منو الكل خايف

ابعدى عن كل شبهه ؟ امهاتنا كتير عفايف

***************************************

الانوثة نعمة غالية ربنا اللى اداها ليكى

وبايديكى تحفظيها او تضيع من بين ايديكى

احمدى ربك تملى واشكرى نعمو عليكى

اوعى تختالى بجمالك كلو زايل من عنيكى

***************************************

خلى صورتك جوه قلبك وامنعى الناس م الكلام

ولا تاخدى كلمه جارحه ولا احسن الاحترام

او هتخدى سهم جارح اسمو نظرات الحرام

انتى زوجتى وانتى امى وانتى اختى انتى للاسره الامام

وان فى مره بعدتى عنا قولى ع الدنيا السلام

احنا منك وانتى غاليه لو جمدتى نكون تمام

انتى اصل الدنـــيا ديه؟؟؟؟ليكى كل الاحترام

***************************************

اقرى ف القرآن وسيبك م الاغانى مع الصحاب

بكره راح تجنيه ف عملك مش بتامر اودياب

اعرفى سنه رسولك والبسى حجاب او نقاب

اوعى تلتفتى لكلامهم مش دا ارحم م العذاب

لو تقيسى الدنيا ديه ايه هتخديه غير تراب

***************************************

الزهور بيكون ريحتها طول مشوكها كتير حميها

لو فيوم شوكها يسيبها الف ايد تتمد ليها

او قريبه ف يوم لربك يفضل المولى يراعيها

خلى نورك جوه قلبك والايمان هيكون ماليها

***************************************

خلى مكياجك ايمانك مش باحمر ع الخدود

دخلى ايمانك ف قلبك بكره نصبح اكل دود

مش تعدى اى كلمه مهما كانت؟ قفلى كل السدود

كلمى ف الناس بحالها؟؟؟؟ والكلام دا ليه حدود

***************************************

حجبى روحك بعطرك وارضى ربك وامشى راضيه

لو ف مره حد عاكسك مش تردى بكلمه فاضيه

اوعى تدى فرصه ليهم وادى ليهم ضربه قاضيه

***************************************

مش تقولى دول صحابى وف هزار طول الطريق

من هزارك انتى هونتى وانتى هتكونى الغريق

خلى بالك من انوثتك اوعى ترضى هزار جرئ

يلسعك وهتاخدى طبعا والهزار نار الحريق

***************************************

هو احسن ترضى ربك ولا ترضى الناس بحالها؟

الجمال ف الروح بينفع مش بشكلها او جمالها

هو ايه للبنت يشفع ؟ شكلها ولا عملها؟

مش تقولى ايه اللى حاصل؟؟ دى القطط اكلت عيالها

***************************************

دا الجمال فى الروح بيفضل مهما بتعدى السنين

مش تقولى اسكت احسن يعنى هنكلم ف مين

كلمى ف الناس بحالها بس شده مش ب لين

كونى بنت بالف راجل اخرسى ف الطماعين

***************************************

سيرة البنت العفيفة هى احسن شئ يدوم

حبرها مكتوب بدينها مش بمكياج او هدوم

اوعى صوتك يعلا مره والرسول علم علوم

انتى ف ايديكى تكونى بنت نور وسط الغيوم

***************************************

.انسى ماكياجك وسيبى نور إلهك يملى وشك

بدلى مرايتك بقلبك مستحيل قلبك يغشك

صلى فرضك وارضى ربك اوعى خوفك يوم يهشك

***************************************

انتى اجمل الف مرة لو جمالك جوه قلبك

مش مهم الخلق ترضى المهم حترضى ربك

هو ايه فى الكون دا يغلب لو اله الكون دا حبك؟؟

مفــــــــــــــــــــــــــيش0000000؟؟؟؟ شعر كابتن احمد

مفــــــــــــــــــــــــــيش0000000؟؟؟؟ شعر كابتن احمد

مفيش حد سامع

مفيش حد مانع

مفيش حد دامع

ولا حد رايح يصلى ف جامع

مفيش حد ماشى

مفيش حد راشى

مفيش حد واشى

ولا حد جى كمان او مجاشى

مفيش حد ناكر

مفيش حد فاكر

مفيش حد شاكر

ولا فيه رشاوى وعكاوى لعساكر

مفيش حد غاشش

مفيش حد راشش

مفيش حد طافش

ولا حد منكم يخاف او مخافش

مفيش حد دافع

مفيش حد رافع

مفيش حد راجع

ولاحد سارق ومارق وخالع

مفيش حد واطى

مفيش حد راضى

مفيش حد ماضى

ولا فيه رشاوى ومطاوى وقواضى

مفيش حد خايف

مفيش حد شايف

مفيش حد عارف

ولا حد دافع وقاتل وصارف

مفيش حد لاقى

مفيش حد باقى

مفيش حد راقى

ومن كوعى شارب وسامع وساقى

مفيش حد هارب

مفيش حد طالب

مفيش حد غارب

ولا حد سكران وسايق وشارب

مفيش حد قاتل

مفيش حد واكل

مفيش حد سائل

ولا حد ذاكر وقالو دا فاشل

مفيش حدسارق

مفيش حد مارق

مفيش حد خارق

ولا حد يرشى ويمسك معارك

مفيش حد ماشى

مفيش حد فاشى

مفيش حد راشى

ولا حد سارق وعامل طناشى

مفيش حد ناجح

مفيش حد سامح

مفيش حد رايح

ولا حد فاسد ولا حد طايح

مفيش حد جعان

مفيش حد جبان

مفيش حد عيان

ولا حد صايع ولا حد تعبان

مفيش فيروسات

مفيش مسروقات

مفيش سرطانات

ولا فيه زباله ووساخه وحجات

مفيش الحرايق

مفيش الغرايق

مفيش غير حدايق

ولا فيه جرايم تخبى الحقايق

مفيش اى حاجه

ولا فيه سماجه

و فيه السعاده

واخرالديباجه

مفيش غير سذاجه

وغصبن عيونكم هندى الامريكى وندى اليهودى وندى الخواجه

ولو مش عجبكم هتضرب دماغك يعم الالجه

وطبعا تقولى ف اخر كلامك

مفيش اى حاجه

مفيش اى حاجه

مناجاه!!الى الله

اللهم من اعتزّ بك فلن يُذل، ومن اهتدى بك فلن يضِلّ، ومن استكثر بك فلن يقلّ، ومن استقوى بك فلن يضعف، ومن استغنى بك فلن يفتقر، ومن استنصر بك فلن يُخذل، ومن استعان بك فلن يُغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليّاً ونصيرا، وكن لنا معيناً ومجيرا، إنك كنت بنا بصيرا

اذكار المساء

اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ
مره واحده----------------------------------------------
قُلْ هُوَ اللَّهُ أَحَدٌ (*) اللَّهُ الصَّمَدُ (*) لَمْ يَلِدْ وَلَمْ يُولَدْ (*) وَلَمْ يَكُنْ لَهُ كُفُوًا أَحَدٌ
قُلْ أَعُوذُ بِرَبِّ الْفَلَقِ (*) مِنْ شَرِّ مَا خَلَقَ (*) وَمِنْ شَرِّ غَاسِقٍ إِذَا وَقَبَ (*) وَمِنْ شَرِّ النَّفَّاثَاتِ فِي الْعُقَدِ (*) وَمِنْ شَرِّ حَاسِدٍ إِذَا حَسَدَ
قُلْ أَعُوذُ بِرَبِّ النَّاسِ (*) مَلِكِ النَّاسِ (*) إِلَهِ النَّاسِ (*) مِنْ شَرِّ الْوَسْوَاسِ الْخَنَّاسِ (*) الَّذِي يُوَسْوِسُ فِي صُدُورِ النَّاسِ (*) مِنَ الْجِنَّةِ وَالنَّاسِ
ثلاث مرات---------------------------------------------- اللهم انت ربي ، لاالـه إلا انت ، خلقتني و انا عبدك وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك على وابوء لك بذنبي فاغفر لي ، فإنه لا يغفر الذنوب الا انت
مره واحده----------------------------------------------
اللهم اني اسألك العافيه في الدنيا والاخره اللهم اسألك العفو والعافيه في ديني ودنياي واهلي ومالي ، اللهم استر عوراتي وآمن روعاتي ، اللهم احفظني من بين يدي ومن خلفي ، وعن يميني وعن شمالي ومن فوقي واعوذ بعظمتك ان اغتال من تحتي
مره واحده----------------------------------------------
امسينا وامسى الملك لله والحمد لله ، لا الة الا الله وحده لاشريك له ، له الملك وله الحمد ، وهو على كل شيئ قدير ، ربي اسألك خير مافي هذا الليلة وخير مابعدها ، أعوذ بك من شر مافي هذا الليلة وشر مابعدها ، ربي اعوذ بك من الكسل وسوء الكبر ، ربي اعوذ بك من عذاب في النار وعذاب في القبر
مره واحده----------------------------------------------
بسم الله الذي لايضر مع اسمه شيئ في الارض ولا في السماء وهو السميع العليم
ثلاث مرات----------------------------------------------
اعوذ بكلمات الله التامات من شر ما خلق
ثلاث مرات----------------------------------------------
ياحي ياقيوم ، برحمتك استغيث ، فاصلح لي شأني كله ، ولا تكلني الى نفسي طرفة عين
ثلاث مرات----------------------------------------------
لاإله إلاالله وحده لاشريك له ،له الملك وله الحمد وهو على كل شيء قدير
عشر مرات----------------------------------------------
قال رسول الله صلى الله عليه وسلم :من صلى علي حين يُصبح عشراً ، وحين يُمسي عشراً أدركتهُ شفاعتي يوم القيامة

امحى ذنوبك فى دقيقتين؟ لاتنسانى من الدعاء

امحى ذنوبك فى دقيقتين؟ لاتنسانى من الدعاء فقط اضغط هناااااااا http://www.shbab1.com/2minutes.htm

دعاء من القران

قَالَا رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

قصيده طازه هنا بس حصريا بنار الفرن اسمها ((حكايه جسد))

حكايه جسد

واقف كما المسمار

بتقوم عليه الريح

بتسنده وتطيح

لكن سنين العمرملياه بالخضار

واقف على السكه بيرسم ف الوشوش

وش العمار

مالى العشوش

اوهام فاشوش

ورسوم صغار

حاطط ف قلبو مزهريات اتملت

حبه زهور

حتا الدهور

متحركووش

و اترسم تجاعيد زمانو

يعشقومايحوئوو

على الدماغ منديل باويه

الشكل ابويه

والزمان مش بطئو

رايح لفين يا دى الجسد

اصبحت موعود بالعذاب

اصبحت مليان بالحسد

مرسوم على وشك بيوت

مرسوم خرايط بالعدد

هات المدد

وابعت صوابعك نحيتى

قرب قوى

شوف سكتى

مالك حزين يا دى الجسد

مستنى موتك

هتبوح بصوتك

والله زمان

كنت الاسد

ازئر وزوم

انفض ترابك ع الزمن

بحتر تلابيب الامل

اصرخ واقوم

هتعيش جسد

وتموت جسد

كل يوم ايه فيها عبره وعظه

وَإِذَا سَمِعُوا مَا أُنْزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ يَقُولُونَ رَبَّنَا آَمَنَّا فَاكْتُبْنَا مَعَ الشَّاهِدِينَ (*) وَمَا لَنَا لَا نُؤْمِنُ بِاللَّهِ وَمَا جَاءَنَا مِنَ الْحَقِّ وَنَطْمَعُ أَنْ يُدْخِلَنَا رَبُّنَا مَعَ الْقَوْمِ الصَّالِحِينَ

معانى الرجوله0000؟رساله الى شاب مسلم؟؟ رؤيه وشعر كابتن احمد

معانى الرجوله0000؟رساله الى شاب مسلم؟؟ رؤيه وشعر كابتن احمد
وبعد مكتبت معانى الانوثه اليكم معانى الرجوله ويارب تعجبكم واشكركم بجد لاعجابكم بقصيده معانى الانوثه وجالى ردود كتير جدا بجد لم اتوقعها من كل الجروبات ومن كل مكان ولا ابغى الا الدعاء اشكركم

الرجوله مش بانك يعلى صوتك ع الحريم
الرجوله هيا انك تلتزم وتكون رحيم
الرجوله هيا انك تبقا زوق وتكون حليم
مش عشان تظهر رجولتك تبقى زى شيطان رجيم

الرجوله مش بانك راح تعاكس ف البنات
ولا انك بردو تحكى ف الغرام وتقول اهاات
ولا تلعب بالقلوب وتدوب ف حبك من سكات
ولا تلعب يوم رياضه تبقا نفخ وعضلات
او تكون اهبل تملى من سقوط بنطلونات
الرجوله هيا انك تمشى طبعا ع الصراط
والرجوله تكون بانك خدت ايه من حسنات

مش رجوله يعلى صوتك جوه بيتك كل يوم
ولا راح تشخط وتنطر دى الحياه مش راح تدوم
خلى كل الناس تحبك تترفع ليك الغيوم
حسن الاخلاق تملى واحسنو لبس الهدوم
خلى زوجتك او خطيبتك تفتخر وقت اللزوم

خلى اولادك صحابك كون عليهم شى امين
اطلب الصدق ف وجودهم وانسى صنف الكدابين
والرجوله مش بشده زى شارون او رابين
لو صدقت لاهل بيتك تبقى من اهل اليمين

الرجوله مش بانك راح تقلد ف الحريم
او بانك شاب مودرن او بتمشى ع الرجيم
خلى قرانك سلاحك واعرف المولى الرحيم
راح تكون قدوه لولادك ولعبادو اجمعين
وف حياتك تبقى راجل زى شيخ احمد يا سين

فيها ايه لو خدت خالد ولا مصعب ليك امام
مش بانك شكل تامر اوشبه عادل امام
او تقول لافف وداير وانتا زى الطور تمام
بردو هو يلف ديما وف عينيه فيه الغمام

اوعا تتجنن ف مره تنسى انك شب زوق
لو تركت الفرض تبقا شب مش عوز تروق
اصحا وافتكر اللى ماتو؟؟ وف الرسول امسك بطوق
طوق نجاتك من صلاتك هيا دى اصل الفروق

الرجوله مش بانك تبقى شاب شبه دياب
او بانك شكل تامر وانتا عارف فيه حساب
ولا نجمك نجم كوره نجم شباك ولا باب
الرجوله هيا انك تمسك القران كتاب

اصحا ياراجل شويه من حياتك يلا فوق
بص جوه حياه سيادتك مش تكون باصص لفوق
اوعا تفتكر الرجوله ع الهبل لازم تسوق
دى الرجوله هيا انك تبقى راجل بس زوق

الرجوله مش بانك راح تدخن ف الحشيش
او سجاير تروى عطشك فيها فايده ؟؟ لامفيش
او تكونى كاللمبى طبعا ف الصياعه ع الافيش
او تلف سجون تملى يتعمل ليك الف فيش
الرجوله هيا انك بالحلال تعرف تعيش

مش رجوله انك تقلد فـ المهند ولا نور
او بتقعد يوم تشيت والبنات واقفين طابور
او بانك تنسى نفسك مره يعليك الغرور
لو صحيح جامد يا راجل افتكر يوم ف القبور
الرجوله هيا انك عيش حياتك دى ف سرور
كون مع المولى اللى خلقك هو هيحل الامور

الرجوله مش بانك تمشى ويوقلو دا بيه
الرجوله طبع كامن مش معاك كده كم جنيه
بلقليل هتعيش كويس بس تعرف عشت ليه
عشت علشان تبقا راجل والجميع شاور عليه

الرجوله هو انك تبقى شب وعندو نخوه
مش بانك تنسى عرضك او تقول ملكشى دعوه
او تسيب بيتك بيقلب او تروح تقعد ف قهوه
او تغنى ولا ترقص او تقول معدشى فايده
الرجوله تبقى راجل اى وقت واى قاعده
هو ايه خيب ف حالنا من كلام شعارات وخيبه

خاف على اختك وبنتك مش تعاكس ف الجيران
ترضا لامك ولا خالتك حد يعكسهم كمان
الرجوله هيا انك نبع ليهم من حنان
مش تدافع عن رجولتك لجل ميعود الامان
وتساعدهم ف الطريق؟؟؟ يرحمك ايام زمان

مش رجوله انك بتقعد ف الكافيه تلعب قمار
الرجوله مش بانك كلو جد مفيش هزار
كان نبينا وشه يضحك بس وقت الجد نار
ابتسم ف وش غيرك واحترم راى الكبار
شوف قطز ورجولته كانت عبره ولكل التتار
دول بيبنو وانتا هادم وبصحيح حته؟ حـ مـ ا ر

انتا راجل الف مرة لو ايمانك جوه قلبك
لو هتبقى ف مره راجل تلقى كل الناس تحبك
مش مهم الخلق ترضى المهم يرضا ربك
هو ايه فى الكون دا يغلب لو اله الكون دا حبك؟؟
________________________
صفات الرجولة الحقيقية ومعناها الحقيقي:
1) الذكر الدائم لله عز وجل:
فالرجولة لا أن لا تشغلك الدنيا عن ذكر الله عز وجل.
2) أن تقدم طاعة الله على المال وعلى الولد:
فمهما بلغ المال ولولد من زينتهما للدنيا فعملك الصالح هو ما سيبقى عند ربك لك..
3) القوامة على الأسرة:
أن تكون قوامة الأسرة هي للرجال لا للنساء,كما نرى اليوم عند بعض منهم ترك الرجولة الحقيقية ولبس لباس الراحة.
4) حسن الخلق:
الرسول عليه الصلاة والسلام يقول:إن المؤمن ليبلغ بحسن خلقه درجة الصائم القائم
5) التواضع، لا التكبر..
6) الرجولة في العفو لا في الانتقام..

بعد هذا العرض لصفات الرجولة لنتفكر لحظات وترى أي الصفات افتقدنا وأي الصفات قد وصل لها البعض.
شعر ورؤيه كابتن احمد
اكتوبر 2009

رابط لزكريات من زمن فات تعالو افتكرو ايام الطفوله

الرابط دا فيه موضوع جميل عن زكريات زمان ياريت تشوفوه http://www.haridy.com/ib/showthread.php?p=1790241#post1790241

يلى انتا مليان بالهموم؟ ارجع لربك

اصبحت مليان بالهموم

الدنيا صبحت غيتى

حاسس بانى مفيش هدوم

من فوق ملامحى وسحنتى

اصبحت باش كاتب عموم

والحزن مالى درفتى

شايل هموم الدنيا ليه

متروح تنام

هو هتاخد منها ايه

غير الكلام

سيبها لصحبها

وافتكر طاعتك لربك

قوم قوام

هو اللى حبك

امشى ف نوره تكون تمام

وانسى الهموم

وانفد بجلدك م الهدوم

تلاقيه قريب

ليك اوى

هو القوى

هو الكريم

هو اللى سامع شكوتك

هو اللى حاسس بلوتك

هو العليم

وبتعمل ايه

قاعد تعبى ف الفلوس

والحقد مليان ف النفوس

تبنى عمارات

وتروح بارات

نافش ف ريشك كالطاوس

والاصل انك م التيوس

والقلب مات لحظه سكات

عمال ينخرب فيك يا سوس

وبيرسم الموت ع البيوت

يا هلترى زمنك سراب

ولا انتا ماشى ف الضباب

ولا انتا موعود بالعذاب

تايه يا ولداه م الهموم

من غير صحاب

هتوه كمان

وبكره هتسيب المكان

وتكون غريب

جوه الزمان

جوه القبور

تنزل لتحت لاوطى دور

وهتفتكر ان انتها

وقت الغرور

هتشيل تراب

وتشوف عزاب

وتشوف سراب

هتلاقى ظلمه مفيها نور

يلى انتا ناسى اخرتك

على فين تدور

على مين تدور

اتمنا شعر عامى يارب يعجبكو

بتمنا

بتنمنا من قلبى اكون

فارس نبيل

افرد جناحى ع الغيطان

واشرب من النيل سلسبيل

واكون كمان

زى الكمان

بيوشوش الليل الطويل

عاوز كمان اركب فرس

زى الحرس

وافرد لجامى ف الخليل

بتمنا اكون فارس نبيل

بتمنا اكون ضحكه صغار

اسمعها وقت مكون حزين

واسمعها ف عز النهار

واتمنا اكون عنتر قوى

لجل الغلابه المطحونين

من اى دار

واتمنا اكون فلاح بسيط

وبسيط قوى

شارب مرار

او حتا انى اكون عبيط

قلبو بسيط مليان خضار

عاوز اكون بسمه شفايف تترسم

على وش مليان بالعمار

عاوز قلوبنا كلها فيها الدفا

وكلامنا كلو يكون شفا

ونكون مظله للفقير بتظللو

او تحمى فيه م الانتحار

مدونه معموله لسماع اهات الموجوعين العاشقين فى حب مصر

يا كل الناس والبشر اللى بيحبو بلدهم كل بلد ليها معانى كتيره مع ابن البلد دى ؟؟؟

بس البلد دى ليها حكايات كتيره اوى غير اى حكايات مممكن نسمعها من اى حد

حكايه مصر ؟؟ مصر العربيه؟ مصر الفرعونيه؟؟ مصر القبطيه؟؟ مصر الاسلاميه و وممكن تلاقينى بحبها باى وضع وف اى مكان؟؟

بحس اوى بيها بس امتا لما بحس بغربه وانا فيها مش لما ابعد عنها لا؟؟ لما اون بعيد عنها هيا اللى بتشتقلى انما لما اكون فيها وغريب احنا اللى ديما بنشتاق ليها؟؟

وعشان كده كتبت كتير حدوديت مصريه مثلا:

مين هيا مصر
مين هيا مصر
اللى بتمشى ف دمنا
مين هيا مصر
اللى تلمنا كلنا
مين هيا مصر
اللى نشوفها فى شقانا وسعدنا
مين هيا مصر
اللى بتعرف من كلامنا اصلنا على فصلنا
مين هيا مصراللى بقت ماشيه ف دم قلبنا
مين هيا مصر
اللى بقت ضحكه صغارترسم جمال على وشنا
مين هيا مصر
اللى كلامها يتطبع على خدنا
وكمان نقول
فين هيا مصر
اللى كتير ملقاش هنا
فين هيا مصر
وكت زمان على بختنا
فين هيا مصروكل عصر بنتوه كتير حظنا
فين هيا مصروهيا فين كت مننا
فين هيا مصرراحت لمين
سابت عششنا وجت ف قصر
وبقيت حزين
فينك يا مصر
فين هيا مصر
فينك يا غاليه
فينك يا مصر

ولما بحس فيها اوى والاقاها تلاقينى ديما بفتكرها على طول وبقول فيهاحدوته مصريه

بعشق ترابك وفيكى الكلمه مكبوته
الاسم سمرا
وانتى القمرا والتوته
طول عمرى بهوا اعشقك
وف عشقى حدوته
وبحب شمسك جوى
لكن محب الليل
ديما نهارك جميل
وف ليلك الظلمه
وبقول يا ظالمه اشهدى
ع الحب والموويل
ناسك بساط واتكسا
بوشوشهم الضحكه
من اى سكه
بيضحك وبوشهم قنديل
لكن قلوبهم حزينه
ويشيلو ف الطينه
ويكرهوا اللى يدعى عليكى يا حزينه
ماشيين ف فيض الكريم
ماشيه صنايعيه
والرزق ديما يا غاليه
بيحب خفيه
عارفه يا مصر
لو سبوكى يوم
من اغلاللك لحد العصر
لا يهمك القصر
ولا الحراس ولا المالك
متخافى هالك يا امى
الكل ف مهالك
هنكون عيالك ف عشه ومش نروح القصر
عرفتو ايه السبب من انى اعشقها
بعشق ترابها
وابوابها واحبابها
واعشق حواريها
وضوحيها وخطابها
واعشق كلامها
واعلامها واصحابها
وتوته توته ايه رايكو ف الحدوته حلوه ولا ملتوته
وطبعا الحدوته مش بتخلص ولا هتخلص وكل شويه بلاقى فيها حواديت كتير اوى وعمر الحواديت مهتخلص ابدا طول ممصر عيشا فينا مش احنا اللى عايشين فيها وكل شويه بلاقى نفسى بكتب حواديت تانى عنها تعالو كده يلى بتحبوها نشوف هنقول حدوته تانى هتكون ايه هيا الحدوته وحكايه تانى ف حب مصر
حكايه تانى ملتوته
الحكايه زى اى حكايه
كانت حكايه صغيره
ممكن اقولها م البدايه
مصر
وطن
حب
شجن
كانت بدايه واصبحت بردو النهايه
الميم
مكان نتلم فيه وتلمنا
نسمع حكاوى من حكايات جدنا
والصاد
صديق يسمع لنا
وكمان حروف ديما ترن ف ودننا
والراء
ربيع
ديما بيجى يضمنا
ويشدنا على صوت ازان
على صوت جرس
وانتى يا مصر انتى الحرس
قبل الاوان
الله يا مصرانا بعشقك
انا بعرفك من غيرمبسمع بالودان
عارفه يا مصرانتى الوطن
انتى السكن
انتى بعيدتى عننا
اكمننا بنحب فيكى
وسعات نبيعك كلنا
وف حزننا
وف فرحنا
بتلاقى دمعه حنينه
تنزل تتدوب على خدنااااا
اعارفه مصر
انتى عظيمه ف اى عصر
فى كل عصر
سمعه يا مصر
دقات قلوبنا بتناديكى
بتنادى مصر
مصر الوطن
مصر اللى كانت يوم ف عشه
وعمرها سكنت ف قصر
مصر اللى بنقول ان احنا سكنا فيكى
وانتى فينا بتسكنى خيرنا يا مصر

وكتير من الحكايات عليها هنقولها كل يوم ونحكيها بس انتو بردو يلى بتحبو مصر من كل العالم حيوها اوىىىى من قلبوكو حبوها اوى لان مصر مش مجرد وطن ولا مجرد مكان نعشقه لا ؟ مصر حاجه تانيه احساس تانى مش بيحسه الا اللى يعرف يعنى ايه وطن بيعيش فينا

اشكركم جدا والى لقاءات اخرى فى حب مصر المحروسه